O pasado sábado 7 celebramos unha nova edición da tradicional Festa do Cocido da UD Cebarca, unha xornada de convivencia que, unha vez máis, volveu ser todo un éxito.

Preto de 150 persoas de todas as idades xuntáronse para compartir mesa, conversa e ambiente arredor dun dos eventos máis especiais do noso calendario. Unha cita que cada ano confirma o importante que é manter estes momentos de encontro para a xente do club e do pobo.

A tarde estivo ademais amenizada polos dúos Acherizados e Vaneguay, que puxeron música e bo ambiente a unha xornada que se prolongou entre risas, baile e moita compañía.

Desde a UD Cebarca queremos agradecer a todas as persoas que participaron, así como aos voluntarios e voluntarias que fixeron posible a organización do evento.

Se algo quedou claro é que esta festa segue sendo unha cita marcada no calendario… e que xa estamos desexando repetir o próximo ano.

💙🤍 Grazas a todos por formar parte da familia do Cebarca.